समाज > अपराध > एक करोड हिनामिना ! लेखा अधिकृत निलम्बन

एक करोड हिनामिना ! लेखा अधिकृत निलम्बन

१ असोज, काठमाडौं । यातायात व्यवस्था कार्यालय मेचीका लेखा अधिकृत भगवान भट्टराई निलम्बनमा परेका छन् । झण्डै एक करोड रकम हिनामिना गरेको आरोपमा यातायात व्यवस्था विभागले भट्टराईलाई निलम्बन गरेको हो । विभागका अनुसार कार्यालय प्रमुख चुनावमा खटिएका बेला लेखा अधिकृत भट्टराईले ९२ लाख ३ हजार १६३ रुपैयाँ सरकारी कोषमा दाखिला नगरेका हुन् । पटक-पटक ताकेता गर्दा पनि आलटाल गरेपछि उनलाई निलम्बन गरिएको र थप छानविन गरी कारबाही गर्न अख्तियारमा पठाइएको विभागले जनाएको छ ।

views: 41


लोकप्रिय समाचार